കേരള ഭൂപരിഷ്കരണ നിയമപ്രകാരം ഒരു വ്യക്തി മാത്രം അടങ്ങുന്ന കുടുംബത്തിന് 7.5 ഏക്കര്‍ വരെയും, 5അംഗങ്ങള്‍ വരെ ഉള്‍ക്കൊള്ളുന്ന കുടുംബത്തിന് 15 ഏക്കര്‍ വരെയും, 5-ല്‍ കൂടുതല്‍ അംഗങ്ങളുള്ള കുടുംബത്തിന് പരമാവധി 20 ഏക്കര്‍ വരെയും ഭൂമി കൈവശം വയ്ക്കാവുന്നതാണ്. ഈ പരിധിയില്‍ കവിഞ്ഞ ഭൂമി സര്‍ക്കാര്‍ മിച്ചഭൂമിയായി ഏറ്റെടുക്കുന്നതാണ്. കേരള ഭൂപരിഷ്കരണ നിയമത്തിലെ
എണ്‍പത്തിയൊന്നാം വകുപ്പ് പ്രകാരം തോട്ടവിളകളെ (റബ്ബര്‍, കാപ്പി, തേയില) ഇതില്‍നിന്ന് ഒഴിവാക്കിയിട്ടുണ്ട്.
ഏറ്റെടുക്കുന്ന ഭൂമിയില്‍ നിന്നും പൊതു ആവശ്യത്തിനുള്ള ഭൂമി ജില്ലാ കളക്ടര്‍ മാറ്റി വച്ചതിനു ശേഷം , ബാക്കി ഭൂമി അര്‍ഹരായവര്‍ക്ക് (ഭൂമിയിലെ കുടി കിടപ്പുകാര്‍ക്കും, കര്‍ഷകത്തൊഴിലാളികള്‍ക്കും) പതിച്ചു നല്‍കുന്നു. ഇത്തരം ഭൂമിയുടെ പകുതി പട്ടികജാതി - പട്ടികവര്‍ഗക്കാര്‍ക്കായി നീക്കി വച്ചിരിക്കുന്നു. നിശ്ചിത ഫോമിലുള്ള അപേക്ഷകള്‍ സ്വീകരിച്ച് അന്വേഷണം നടത്തിയ ശേഷം അര്‍ഹരായവര്‍ക്ക് ഈ ഭൂമി ജില്ലാകളക്ടര്‍ പതിച്ചു നല്‍കുകയാണ് പതിവ്.
No comments:
Post a Comment